«Сағат 12.30 минутта Алматы облысы ТЖД кезекшілік қызметіне Қарасай ауданындағы «Құрдас-7» базарында контейнер өртеніп жатқандығы туралы хабарлама түсті. Оқиға орнына Алматы қ. мен Алматы облысының 5 өрт сөндіру есебі жіберілді», - делінген хабарламада.
«Құрдас-7» базары өрт бөлімінен 20 шақырым алшақ орналасқанын, жолдағы жүктемені есепке алып, өрт сөндірушілер 14 минутта жетті, делінген баспасөз қызметінде.
Осы уақытта құрылыс материалдары бар 3 контейнер, сауда нүктелері арасындағы жылу оқшаулағыш материалдар (өрт алаңы шамамен 100 шаршы метр) отқа оранып үлгерген.
Жедел қабылданған шаралар өрттің осы шектен жайылмауына мүмкіндік берді. Яғни, жақын орналасқан «Молл-Апорт» сауда ойын-сауық орталығынына, «Алтын орда» әмбебап базарына төнген қауіптің алды алынды.
Жалын 13:00-де оқшауланып, 13 20-да ауыздықталды. Құрбандар мен зардап шеккендер жоқ, өрттің шығу себептері анықталуда.