Бұл туралы Caravan.kz медиа порталы Stan.kz ақпарат агенттігіне сілтеме жасап хабарлайды.
Эпидемиологиялық жағдайды бағалау матрицасы бойынша, Ескелді мен Талғар ауданы, Текелі мен Талдықорған қаласы "қызыл" аймақта, Іле, Қаратал аудандары "сары" аймақта, қалған қалалар мен аудандар "жасыл" аймақта.
2020 жылдың наурыз айынан бері КВИ-дің 29 872 лабораториялық расталған жағдайы тіркелді. Олардың 19 167-сі – симптоммен. Облыс бойынша коронавирустың өсу қарқыны соңғы екі аптада 0,4%-дан 0,6%-ға артты.
Негізінен, КВИ және "Дельта" вакциналанбаған тұрғындар арасында тіркелген, бұл вакцинацияның тиімділігі жоғары екенін көрсетеді. Бүгінгі таңда бірінші компонентпен 513 109 адам егілді, екінші компонент 291 549 адамға салынды. Вакциналанғандар саны бойынша педагогтар (37 594) және медицина қызметкерлері (23 167) көш бастап тұр.