Алматы облысының Междуреченск ауылдық округіндегі мал қорымын салуға 9 млн теңгені заңсыз бөлген, деп қалалық прокуратураның баспасөз қызметі мәлімдеді.
Алматының мамандандырылған табиғат қорғау прокуратурасы мемлекеттік сатып алу туралы келісімшарт бойынша орындалған жұмыстар көлемі қабылдау актісіне сәйкес келмейтінін анықтаған.
Бұл мақсатта 9 млн 42 мың 938 теңге негізсіз бөлінген.
Анықталған фактілер бойынша табиғат қорғау прокуратурасы бейінді басқармаға заңдылықтың бұзылғаны туралы ұйғарым жолдады. Ақша бюджетке қайтарылды.