Түрмені екінші үйіндей қылған Токарев соңғы төрт ай ішінде адам тонау, көлік ұрлау, қыз ұрлау, зорлау сынды 16 қылмыс жасапты. Ақырында такси ұстап тұрған 20 жасар Айзада Авлатарованы алып қашып, 4 күн бойы қамап қоюға дейін барған. Қаскөй өткен жылдың желтоқсан айында нақ осы әрекетінен кейін ұсталған болатын. Жасы елуге таяса да желігі басылмаған Токарев жасаған қылмысының бәрін мойындады. Әр іс бойынша жаза кескен судья 40 жылға қамауы тиіс еді. Алайда, неге екені белгісіз, жаза мерзімін 15 жылға дейін қысқартты. Сондай-ақ, Токарев сот шығыны үшін 2 миллион 233 мың, ал жәбірленушілердің біріне 1 миллион 353 мың теңге өтемақы төлеуге міндеттелді.
Loading...