Алматыда ағаш өңдеу цехынан өрт шықты. Бұл туралы Today.kz хабарлайды. Түнгі сағат 03:18-де Алматы қаласының Төтенше жағдайлар департаментіне Жетісу ауданы Бөкейханов көшесі, 13 «А» мекенжайында ағаш өңдеу цехының өртеніп жатқандығы туралы куәгердің хабарламасы келіп түседі. Өртсөндірушілер тілсіз жауды ғимараттың екінші қабатына жібермей, дер кезінде сөндіріп алады. Өртті сөндіру барысында екі адам эвакуацияланды. Тілсіз жау 03:34-те ауыздықталып, 03:44-те толығымен сөндірілді. Зардап шеккендер жоқ.