Бұл туралы Caravan.kz медиа порталы Tengrinews.kz-ке сілтеме жасап хабарлайды.
Іс Наурызбай ауданындағы қылмыстық істер жөніндегі мамандандырылған ауданаралық соттта қаралып жатыр. Сот отырысына төраға судья Еркін Майшинов.
Сот 9 қарашада таңғы сағат 10.00-де басталды. Іс жыныстық сипаттағы жеке мәліметке қатысты болғандықтан, жабық өтеді.
Айта кетейік, 19 наурызда Алматы қаласының тұрғыны Аяжан Еділова жұмыстан шыққаннан кейін хабарсыз кеткен. Бірнеше күннен кейін Алматы ПД өкілдері қыздың қаза болғанын хабарлаған еді. Жоғалған күні Аяжан жаңадан танысқан ер адаммен кездесуге келіскені анықталды. Күдікті ретінде Түркістан облысының тұрғыны, 1993 жылы туған ер адам ұсталған. Кейінірек 19 жастағы Аяжан Еділованың өліміне қатысты істің мән-жайы анықталды.
Туыстары 19 жастағы Аяжан Еділованың өліміне қатысты тергеудің
мән-жайын айтып берген. Жәбірленушінің ағасы Алмат Мүліковтың айтуынша, күдікті фармацевт мамандығында оқып, академиялық үлгерімсіздігі үшін екінші курстан кейін оқудан шығарылған. Алматыда пәтер жалдап тұрған.