Осы уақыт ішінде қалалық коммуналдық шаруашылық қызметімен қаланың магистральды көшелерінен 10862 текше метр қар сыртқа шығарылды.
Алматы қалалық Табиғи ресурстар мен табиғат ресурстарын пайдалану басқармасының мәлімдеуінше, биыл қыста жауын-шашынның мол болуына байланысты коммуналдық шаруашылық қызметі қаладан 381 854 текше метр қар шығарған.
«Ақпанның 23-інде қардың қалың түсуіне байланысты қарды күреу мен тасу ЖБП патрульды көліктерінің қадағалауымен жүзеге асты. Жол қабатына 3915 тонна құмды-хлоридті қосынды төселді. Осы мақсатта жұмысқа 679 арнайы техника 895 жұмысшы жұмылдырылды», - делінген хабарламада.