Бұл туралы ақпарат Telegram арналарының бірінде жарияланды, деп хабарлайды Caravan.kz медиа порталы Kazinform-ға сілтеме жасап хабарлайды.
Бейнежазбадан бір топ жігіттің төбелесіп жатқанын көруге болады. Автордың сөзінше, қақтығыс кезінде дзюдодан әлем чемпионатының жүлдегері Дамир Исаханов жүрек тұсынан пышақ жарақатын алған.
Аталған фактіге қатысты қалалық Полиция департаменті түсінік берді.
«Бұл дерек бойынша Алмалы аудандық полиция басқармасы қылмыстық іс қозғады. Күдікті ұсталып, полицияға жеткізілді.Сотқа дейінгі тергеу жан-жақтылық, толықтық және объективтілік қағидаттарына сәйкес жүзеге асырылуда. Тергеу барысы Алматы ПД басшылығының бақылауында», - деп хабарлады Алматы қалалық полиция департаментінің баспасөз қызметі.