Алматы қаласы санитарлық-эпидемиологиялық бақылау департаменті басшысының орынбасары Әсел Қалықова коронавирустың жаңа штамына қатысты ақпаратты бөлісті, - деп хабарлайды Tengrinews.kz .
Журналистер эпидемиологтан "Алматыда коронавирустың жаңа штамы анықталды ма?" деп сұрады.
"Бүгінде Алматыда КВИ-дің жаңа штамы анықталған жоқ. Коронавирустың жаңа штамы пандемияның жаңа толқынына себеп болу ықтималдығы өте төмен, себебі вирус қайтадан өзгермейді, әсіресе дүние жүзі бойынша жаппай вакцинация басталып жатыр", - деді Әсел Қалықова.
Еске салайық, бұған дейін Әсел Қалықова Алматыда эпидемиологиялық ахуал
нашарлағанын айтқан болатын.