Манезаның жол апатына ұшырағанын біліп, оқиға орнына келген күйеуі Вячеслав Ершов осылайша тілшілердің жұмысына кедергі келтіріп, аузына келгенін айтқан. Куәгерлердің айтуынша, қымбат машина Абылай хан даңғылымен төмен келе жатқанда алдынан белгісіз көлік шығып, кедергі жасапты. Олимпиада чемпионы соған соғысып қалмау үшін оңға бұрылып, арыққа қарай аударылып кеткен. Апаттың жай-жапсарын тәртіп сақшылары анықтайтын болады. Ал зілтеміршілер жанұясын ешкім сабасына түсіре алмады. Олар тіпті түсіру тобы кеткен сәтке дейін қоқан-лоққы көрсетіп, арттарынан қалмай қойды.Оқиға орнына келіп ұрыс шығарған Манезаның күйеуі Вячеслав Ершов та танымал зілтемірші.