Жас актриса Алина Балтабаева өткен демалыста қараторы сұлулардың арасынан оқ бойы озық шықты, деп хабарлайды
Tengrinews.kz.
Сұлулар додасында жеңіп шыққан 21 жастағы А.Балтабаева Қырғыз ұлттық университетінің заң факультетін бітірген. 2011 жылы "Бишкек, я люблю тебя" фильміне түсіп, 2008 жылы "New Face" байқауына қатысып, жеңімпаз атанған. Ал қазір Алматыда жұмыс істеп, тұрып жатыр.
Аталмыш байқауда бірінші вице-мисс атағын алматылық Яна Макарова жеңіп алса, екінші вице-мисс болып Айдана Ташенова танылды. Жалпы ең тартымды, сымбатты қараторы қыз атағына 12 сұлу қатысты. Әрбір қатысушы құр алақан қалған жоқ, олар байқауды ұйымдастырушылар мен демеушілерден сыйлықтар алды. Сондай-ақ көрікті бойжеткендерге сауда орындары, сұлулық салондары мен фотосессияға арнайы сертификаттар ұсынылды.
Айта кету керек, аталмыш байқауды ұйымдастырушылар жыл сайын ең сұлу қараторы, ақсары, және сымбатты қыздардың додасын өткізіп келеді.