Алматыда «Қолжетімді жұмыс» әлеуметтік жобасы іске қосылды. Жетісу аудандық прокуратурасының бастамасымен құрылып отырған жоба бойынша жалданбалы жұмыс іздеушінің білімі немесе еңбек өтілі талап етілмейді. Сондай-ақ, жұмыс іздегендер таң сәріден кешке дейін аяғынан тік тұрып, жұмыс берушіні көшеде күтпейді. Тек хабарландыру жарияланатын арнайы сайтта өз түйіндемесін қалдырса болғаны.
- Тағы да мақсат – Алматы қаласы бойынша мүлікке қатысты қылмыстардың санын барынша азайту. Алматының Сейфуллин-Рысқұлов көшелерінде отыратын азаматтарды сол жерден үйлеріне бағыттау, дейді Жетісу аудандық прокуратурасының прокуроры Нариман Бекназаров.