Ресейлік кәсіпкерді 1-мамыр күні 21 сағат 40 минутта Төле би және Яссауи көшелерінің қиылысындағы елшіліктер қалашығынан шыға бере атып кеткен. Оқиға куәгерлерінің айтуынша, кәсіпкердің автокөлігіне жақындап барған белгісіз қылмыскер тапаншадан көліктің салонына қаратып бірнеше оқ атқан. Көлікте кәсіпкер мен оның зайыбы Ольга отырған. Соның салдарынан кәсіпкер оқиға орнында жан тапсырып, әйелі жараланды.
Аталмыш дерек бойынша қылмыстық іс қозғалды. Бұл - тапсырыспен жасалған қылмыс болуы мүмкін деген жорамал бар.