Кішкентай Ләззат бірнеше күннен бері қалалық №1 бөбектер үйінде. «Денсаулығы қалыпты, туабітті дерттен ада», - дейді дәрігерлер. Тіпті көп жылап, тәрбиешісінің мазасын да алмайды екен балғын. Сондай-ақ, бұл мекемеде перзентханадан әкелінген Сергей Байдерин есімді 2 жастағы бала тәрбиеленуде. Оны да тасбауыр анасы туа салысымен тастап еткен. Қазір екі баланың жақындарына іздеу салынып жатыр.
Жазира Молдабаева, Алматы қалалық №1 бөбектер үйі бас дәрігерінің міндетін атқарушы:
- Байдерин Сергей 2 жаста. Перзетханадан жеткізілген. Содан бері осында анасы Елена Байдарина бір мәрте іздеп келді. Құжаттарын реттесімен алуға уәде еткен. Бірақ содан бері бір жыл өтті. Ал екінші нәресте Ләззат осыдан бірнеше күн бұрын әкелінді.