Ескертетін бір жайт, биыл фестиваль билеттері әдеттегідей сатылымға емес, ұтысқа түсірілді. Яғни, радио тораптар мен әлеуметтік желілерде арнайы қойылған сауалдарға дұрыс жауап беру арқылы алуға мүмкіндік берілген. Сондай-ақ, «Gazeta.kz» сайтына тіркеліп те шақыртуға ие болуға болады. Ал онда бір реттік таңбаланған промо-кодтар бар. Онсыз концертке кіргізілмейді. Сонымен, «Алматым – іңкәрім менің» музыкалық мерекенің басталуына небәрі 3 тәулік қалды. Қазірдің өзінде шақыру билеттерінің 70 пайызы үлестірілген. Концерттің тыныш өтуін 2 мыңға жуық сақшы мен арнайы жасақ күзетшілері бақыламақ. Өтетін орны әдеттегідей - Халықаралық трамплин кешені.