Қаржы полициясы таратылған соң Әмірхан Аманбаев Бас прокуратурада департаментті басқарған болатын. Бұл оның қаңтар айында тілшілерге жаңадан қабылданған Қылмыстық кодексті түсіндіріп тұрған сәті. Айта кетсек, ақпан айында Алматының бірнеше лауазымды қаржы полицейі тұтқындалып абақтыға жабылған. Тергеу материалдарына сүйенсек, ауыз жаласқан топ жалған кәсіпорындар құру арқылы бюджетке түсуі тиіс ондаған миллиард теңгені қалталарына басыпты. Осы қылмыстық топты генерал-майор Әмірхан Аманбаев басқарған көрінеді. Бірер ай бұрын Бас прокуратурада сотқа түсетін материалдардың заңдылығына жауапты болған Аманбаевтың енді өзін қорғауына тура келетіндей.
Әмірхан Аманбаев, ҚР Бас прокуратурасының қылмыстық процестің сотқа дейінгі заңдылығын қадағалау департаментінің бастығы:
(5 қаңтар, 2015)
-Сот қылмыс дәлелденбеген жағдайда екі шешім ғана шығарады. Ақтайды, кінәсі жоқ деп. Болмаса, соттайды.
Loading...