«Мәдени мұра» бағдарламасының қорытындысы бойынша «Алтын қазына» ақпараттық-көркем альбомының тұсаукесері өтті. Көлемі 160 беттік бұл альбом «Ел-шежіре» қоғамдық қорының баспасында жарық көріп отыр. Оны құрастырып, түсінігін жазған Нұрлан Наурызәлиев.
«Алтын қазына» «Мәдени мұра» бағдарламасы бойынша 2004-2011 жылдары еліміздің түкпір-түкпірінде және кейбір шет елдерде атқарылған тарихи, мәдени, ғылыми және реставрациялық жұмыстардың қысқаша ақпараттық қорытындысы болып отыр. Онда атқарылған жұмыстардың нақты көрінісін бейнелейтін суреттер, сондай-ақ өз мұрағат, мұражайларымыз бен кейбір шетелдік қорларда сақталған аса құнды қолжазбалар мен кітаптардың тізімі, фото суреттер берілген.