«Қазір біз ондаған кеніштерді дамыту үдерісі үстіндеміз. Біз елдің кірістер деңгейін қалпына келтіру үшін мұнай өндіруді ұлғайтудың барлық мүмкіндігін зерделеп жатырмыз», - деп мәлімдеді министр.
Бүгінгі таңда Алжир ОПЕК квотасына сәйкес күніне 1,2 миллион баррельге тарта мұнай өндіруде, қара алтынға 50 пайызға дейін бағаның құлдырауы ел экономикасына келеңсіз ықпал етуде, деп хабарлады РИА Новости.
Әл-Юсфи мұнай өндіруді ұлғайту елдің мемлекеттік жобаларын шетелдік заемдар тартпай-ақ жүзеге асыруға көмектеседі, деп қосты.
Бұдан бұрын әл-Юсфи ОПЕК-тен бағаның одан әрі құлдырауын болдырмау үшін мұнай өндіруді қысқартуды талап еткен болатын. Ел билігі ұйым құрамында тұрмайтын мемлекеттер үшін өндіруді төмендету тиімді деп санайтын картельдің ірі өндірушілерінің ұстанымын қолдамайды. Дегенмен, мұнай бағасының баррелі 50 доллардан да төмендеп, мұнай құнының төмендеуі жалғасып отырғанына қарамастан, ОПЕК-тің көптеген елдері өндіруді қысқарту ниеті жоқ екенін мәлімдеуде.