Мұны өзі жазды, былай деп, қазақша:
«Жасым егдеге келгенде екі-үш жағдайға ғана көңілім толады:
- байлық дәулет жинамағаныма — менде дача мен авто жоқ
- Директорлық пен завкафедралықтан бас тартқаныма
- жағымпазданып, жаңсақтап медаль, орден алмағанымды
абырой деп есептеймін.
Есесіне екі ұл немерем бар. Құдай ұрпақсыз қалдырмады, соған Аллаға рахмет айтамын. Жетпегенім, жете алмағаным — «жарты шындықты» ғана айтқаным, өмірлік амалда «жарты шындыққа» өтірікті қоспауға тырыстым…
Көзім тірісіндегі жетістігім — мен туралы 55 (өзім оқып шыққан) мені жамандайтын мақала басылыпты. Орекеңдер: «әсіреұлтшыл, тым төзімсіз», тіпті сотталуы керек депті, ал қазекеңдер: «алжыған шал», «әдемі қартая алмаған шал» депті. Бірақ біреуі де мені ұры демепті.Көз тимесін», -
деп жазыпты ол өзінің парақшасында