Мыңдаған құпия құжаттарды біздің шенеуніктер негізінен Америкадағы халықаралық заң кеңсесіне жазған екен. Ал хакерлерді сотқа Әділет министрлігі берген. Шетелде Қазақстанның мүддесін қорғайтын органның арызын қараған Америка құпия мәліметтерді таратпауға заңмен тыйым салды. Алайда Gmail поштасын бұзып қазақ шенеуніктерін хатын ғаламторға салған қарақшылар әзірге ұсталған жоқ. Еліміздің Ұлттық қауіпсіздік комитеті хакерлердің ізін АҚШ-тан тапты. Қазір бұл іске Американың Федеральдық қызметі де араласқан. Үкіметтің сайттарын, пошталарын күні-түні торуылдаған компьютер қарақшылары енді ұсталған жағдайда АҚШ заңы бойынша қылмыстық жауапқа тартылады.
Loading...