Анар Мешімбаеваны қолдап отырған Біріккен Ұлттар Ұйымының жетекші статистері. Шетелдіктер сотқа қатыспаса да, айыптаудың ойдан құрастырылғанына сенімді. Енді әріптестерін босатуды сұрап, Елбасының атына хат жолдап отыр. Оның мәтінін бүгінгі процессте Мешімбаеваның адвокаты оқып берді. Ал сыбайластарымен бірігіп ұлттық санаққа бөлінген 758 млн теңгені жымқырды делінген Статистика агенттігінің экс-төрайымы кінәсіз екенін мәлімдеуден танар емес. Тіпті онысын қасиетті Құран кітабына қолын қойып дәлелдеуге бар.
Анар Мешімбаева:
-Санақты өте жақсы өткіздік. Мұны халықаралық ұйым да мақтап отыр. Мен де, екі орынбасарым Баянов та, Меңдібаев та - ешқайсымыз санаққа мердігер компанияның қатысып ақшаны қолма қолға айырбастап алып жүргенін білмедік. Ешқашан кәсіпкерлікпен айналысқаным жоқ. Мен өмір бойы мемлекеттік қызметте істедім.