Сыбайлас жемқорлыққа қарсы қызметтің төрағасы Олжас Бектенов Қазақстандағы "құйтырқы" схемалардың артында табысын шетелде жасырған ықпалды тұлғалар тұрғанын айтты, - деп хабарлайды Caravan.kz медиа порталы Tengrinews.kz-ке сілтеме жасап.
Сыбайлас жемқорлыққа қарсы іс-қимыл агенттігінің алқа отырысында Бектенов жалпы құны 57 миллиард теңге болатын 600-ден аса теміржолдың мемлекеттік бақылауға алынғанын айтты.
"Әңгіме "соңғы шақырым" туралы. Шығынды тікелей өтеуден бөлек, әлеуметтік-экономикалық әсері де бар. Мысалы теміржол тасымалдаушылары үшін тарифтер 14 есеге – 2200 теңгеден 147 теңгеге дейін төмендеген. Мұндай "құйтырқы" схемалар артында көбіне "көлеңкелі" кірістерін шетелде жасыратын ықпалды тұлғалар тұрды", - деді Антикор басшысы.