РФ жағы қарсы жауап ретінде қатаң шаралар қолдануы мүмкін деп алаңдаушылық білдіріп отыр.
Бұл туралы Bloomberg агенттігі хабарлады.
Business Roundtable қауымдастығы президенті Джон Энглердің айтуынша, қауымдастыққа мүше 100-ге жуық компания басшылары Вашингтонда АҚШ Қорғаныс министрі Чак Хейгелмен кездеспек. Онда санкция мәселесі міндетті түрде қаралады, дейді Дж.Энглер.
«Компаниялардың басшыларының Ресейде болып жатқан оқиғаларға алаңдаушылық білдіріп отырғаны анық, - деді Дж.Энглер. – Өйткені, кей компаниялардың бизнесінің едәуір бөлігі РФ аумағында шоғырланған».
Ernst & Young компаниясының 2013 жылғы зерттеулеріне қарағанда, Ресейдегі шетел инвестициясының дені американдық компанияларға тиесілі. Негізінен, олар жоғарғы технологиялар мен қаржы секторына шоғырланған. Әсіресе, РФ 2012 жылы ДСҰ-на мүшелікке енгеннен кейін олардың саны күрт артқан.
Қосымша санкциялардан бизнеске мынадай екі түрлі қауіп төндіреді: санкциялар АҚШ-тың коммерциялық мүддесіне тікелей нұқсан келтіреді немесе Ресей американдық компанияларға қарсы санкция енгізуі мүмкін.