Тоғыз қабатты үйдің төбесінен тақтай лақтырып тұрған құрылысшыларды кездейсоқ куәгерлер түсіріп алған. Еденнен жұлынып алынған ауыр ағаштар бірінен соң бірі төбеден түсіп жатыр. Ал әрлі-берлі өткен жұрт одан бас сауғалап қашқан. Бірақ оны құрылысшылар аңғарар емес. Естеріңізге салсақ, дәл осылайша Ақтау тұрғыны ескі теледидарды 10-шы қабаттан лақтырып, төрт жасар баланы өлтіре жаздаған болатын. Басынан ауыр жараланған кішкентай Исламның қазір көзі көрмейді. Ескі-құсқы заттарын далаға шығаруға ерінген күдіктіге қатысты сот жүріп жатыр.