"Қазіргі уақытта бұл ақшаға жалпы алғанда 80 төсекке арналған диспансердің жартысы толығымен жөнделді", - деді Ақтөбе облыстық денсаулық сақтау басқармасы бастығының орынбасары Самат Данияров. "Биыл шамамен осындай ақшаға қалған жартысын жөндеуді көздеп отырмыз. Содан кейін диспансердің емханасын қолға аламыз", - деп атап көрсетті ол.
Өңірдегі жалғыз облыстық тері-венерологиялық диспансер 1900 жылы салынған бұрынғы патшалық ат қораның ғимараты екендігі белгілі. Ол тарих және сәулет ескерткіші болып табылады. Осыған байланысты заңмен қорғалады. Алайда, соңғы жылдары өне бойына сызат түсіп, кей жерлерінде уатыла бастағандықтан Мемлекеттік санитарлық-эпидемиологиялық қадағалаудың облыстық департаменті оның жабылуына қол жеткізген болатын. Осыдан кейін денсаулық сақтау басқармасы ғимаратты күрделі жөндеуді бастап кеткен еді.