Оның айтуынша, Темір аудандық ауруханасына жатқызылған науқастардың денсаулық ахуалын облыстан арнайы келген жұқпалы аурулар дәрігерлері бақылауға алды.
Бұдан бұрын да хабарлағынымыздай, 12-наурызда Кеңқияқ ауылының су құбыры жүйесінде болған апаттан кейін іші ауыру, құсқы келу және дене қызуы көтерілу тәрізді белгілермен 57 адам аудандық аурухананың көмегіне жүгінген. Олардың 36-сы ауруханаға жатқызылса, қалғандары тұрғылықты жерлері бойынша амбулаториялық бақылауға алынды.
Қазір жұқпалы ауру ошағында облыстық СЭС, денсаулық сақтау департаменті мен облыстық төтенше жағдайлар жөніндегі басқарма мамандары жұмыс істеп жатыр. Ауыз судың 15 сынамасы бактериологиялық зерттеуге жіберілді. Тексерулер қорытындысы көрсеткеніндей, 7 сынама бойынша су құрамы санитарлық талаптарға сай болмай шыққан. Әзірге ауыл тұрғындары Көкжиде су жинаушы қондырғысынан тасымалданатын суды тұтынып отыр. "Су құбыры мен канализациялық жүйедегі апат салдарын жою жұмыстары бүгін аяқталуы тиіс, бұдан кейін құбырларды жуу және суды залалсыздандыру жұмыстары жүзеге асырылады",- дейді Т.Сукашев.
Ауылда барлығы 5 мыңдай адам тұрады.