«Мамыр айында адамдардың арасында бруццелезбен ауырудың 4 оқиғасы тіркелді. 2 оқиға Қарғала мекеніндегі отбасыда және 2 оқиға Новый кентіндегі отбасыда тіркелді», - деп атап көрсетті қалалық СЭС-тің бас маманы Гүлден Бұжаубаева.
Оның айтуынша, Новый ауылында инфекцияның ошағы 1 бас ірі қара мал мен 3 бас ұсақ тұяқты мал болған. Сиыр «Айбек» мал сою цехына берілді, ұсақ тұяқты малдың тушалары көмілді.
Санитарлық дәрігерлер 2 адамның ауруды ауру малды бағып, сүтін ішкенде жұқтырғанын анықтады. Қарғала ауылында 3 бас ұсақ тұяқты мал індет ошағы болған.
Қалалық СЭС-тің хабарлауынша, адамдар мен жануарлардың арасында бруцеллездің таралуына жол бермеу мақсатында ветеринарлық инспекция үй малдарын бруцеллезге тексере бастады.
Жыл басынан бері 16 484 бас ірі қара және ұсақ тұяқты мал тексерілді. Бруцеллезге оң нәтиже берген227 бас мал анықталды.
«Ондай малға жақын жүрген 228 адам бруцеллезге тексерілді. Олардың 11-інен бруцеллезге оң нәтиже шықты», - деді Г. Бұжаубаева.
Бруцеллёз (лат. brucellosis) — зоонозды жұқпалы ауру, ауру адамнан малға жұғады, адам ағзасының мүшелері мен жүйелерін зақымдайды.