Дәрігерлер бұрын әкелердің перзентхана терезесіне телміріп, гүл ұстап, босанған жарларымен ымдап түсініскен кездерін сағына еске алысуда. Ал қазір қолдарында ұялы телефон болса да, қуаныштарын перзентхана қабырғасына жазып жатыр. Бұл қылықтары әсіресе медицина мекемесінің кіші қызметкерлеріне ауыр тиген. Себебі әр апта сайын олар қабырғаны қайтара сырлап әуреге түседі. Басшылары да мұндай шимай-шатпаққа ақша бөлуден шаршаған. Сондықтан, қазір олар жас әкелердің көңілін аулайтын ерекше ермек ойлап табуға тырысып жатыр екен.