«117849 кәсіпорынның тек 0,03 пайызында ғана оқу орталығы бар. Бұл өте алаңдатарлық көрсеткіш және ол өндіріс технологиясының төмендігін немесе жұмыс берушілердің жұмыс орындарын дұрыс аттестаттамауын көрсетеді»,- деді А.Сәрінжіпов.
Министрдің атап өтуінше, аталған проблеманы шешу үшін Еңбек және халықты әлеуметтік қорғау министрлігі кадрлар қажеттілігін анықтау әдісін жан-жақты талқылауы әрі жалақысы мен басқа да мәліметтерін көрсете отырып, талап етілетін мамандықтар базасын құруы қажет.
«Мұндай база құру 9 және 11 сынып бітірушілерінің мамандық таңдауына көмектеседі. Ол үшін кәсіпорындар, оның ішінде шағын және орта бизнес үшін мемлекеттік статистика нысанын жаңарту, сәйкесінше инфрақұрылым құру қажет», - деді ол.