Мысал ретінде айтар болсақ, дене шынықтыру және сауықтыру жоспарына сәйкес, Атырау облысы бойынша «Динамо» қоғамдық бірлестігінің ұйымдастыруымен үстіміздегі жылдың тамызында барлығы 7 команда қатысқан әскери қарудан нысана көздеу бойынша жарыс өткізілді. Өте қызу және тартысты өткен сайыста күзет қызметкерлері тағы да жеңіс шыңынан көрініп, 1-ші орынды қанжығаларына байлады.
Аталған жарыстарда алға оза шығып, күзет қызметі басқармасының намысын биіктен көрсетіп, жүлделі орындарды жеңіп алуда өз күш-жігерлерін салып, жоғары нәтижелерге жеткен полиция капитандары Н.Жомартов, Е.Кенжесов, Ж.Самариденов, полиция аға лейтенанттары Ж.Қаженбаев, Н.Рахимов, М.Сабыров, полиция старшиналары М.Бисенғалиев, Е.Әбдірахманов, полиция сержанттары Е.Қапсәлімов, Д.Балымов, Б.Шұңғылов, полиция кіші сержанттары Р.Мұстапиев, С.Төлегенов күзет қызметінің мақтаныштары.
Өткізілетін спорттық мәдени шаралардың өз деңгейінде өтуіне ат салысып, жоғары ұйымдастырушылық қабілетін таныта білген Атырау облысының МКҚБ ММ Кадр жұмысы бөлімшесінің бастығы полиция майоры Ертаза Сәмбетов мен жеке құрам жөніндегі инспекциясының инспекторы полиция аға лейтенанты Нұржан Шаяденов еңбектерінің зор екендігін атап айтқан артық етпес.