Бұл туралы Үкімет отырысында Қазақстанның су спорты түрлері федерациясының бас хатшысы, Олимпиада чемпионы Дмитрий Баландин мәлімдеді, деп жазды Caravan.kz медиа порталы baq.kz-ке сілтеме жасап.
Белгілі болғандай, Оқу-ағарту министрлігі ең алдымен жобаны Астана мен Алматы мектептерінде сынақтан өткізіп, кейін басқа қалаларға енгізуді жоспарлап отыр.
Оқу-ағарту министрлігімен бірлесе отырып, жүзуді дене шынықтыру жүйесіне енгізетін және оны мектептегі дене тәрбиесі пәнінің құрамдас бөлігіне айналдыратын арнайы бағдарламаны әзірлеу және іске асыру жоспарланып отыр, – деп атап өтті Баландин.
Айтуынша, жобаны жүзеге асыруға елдегі инфрақұрылым жеткілікті – бүгінде олимпиадалық деңгейдегі бассейндер де бар. Сондай-ақ бұл бастама АҚШ, Австралия және Венгрияның тәжірибесіне негізделген. Бұл елдерде балаларды жүзуге үйрету мектеп жүйесінің міндетті бөлігі болып саналады және ол бұқаралық спорттың дамуына әрі судағы қауіпсіздікті арттыруға ықпал етеді.