деп хабарлады ҚР Спорт және дене шынықтыру істері агенттігінің баспасөз қызметінен.
Ақтық мәре Астана және Алматы қалалары мен еліміздің барлық облыстарында аяқталды.
Іріктеу кезеңінің қорытындысы бойынша, әр аймақ атынан 2 палуан елордада өтетін шешуші турда бақ сынайды. 2012 жылдың 22 кыркүйегінде Астанада 32 палуан «Қазақстан барысы» атағына таласады. Жарыс 74 келіден жоғары салмақ дәрежесінде өтеді.
Турнирдың басты жүлдесі - «тайтұяқ» және Алтын белбеу. Оған қоса, жеңімпаз 150 мың АҚШ долларын иеленеді. Екінші, үшінші орын алғандар күміс пен қола медаль және ақшалай сыйақы алады.
Ұлттық қазақ күресінен өтетін турнирдің негізгі мақсаты - қазақ күресін дамыту және жастарды ұлттық салт-дәстүрге дәріптеу. Сонымен қатар, қазақ күресін жазғы Олимпиада мен Азия ойындарына қосу жоспары бар.
Өздеріңіз білетіндей, былтыр 20 тамызда Қазақстанда І республикалық «Қазақстан барысы» турнирі 64 палуанның қатысуымен өткен болатын.
Онда жүлде қоры 250 мың АҚШ долларын құрады. Алтын белбеу иесі Қызылордалық Ұлан Рысқұл, күміс белбеу Жамбылдық Бейбіт Ыстыбаев, қола белбеу Шығыс Қазақстандық Шалқар Жоламановқа бұйырды.
Ұйымдастырушылар: ҚР Спорт және дене шынықтыру істері агенттігі, ҚР Мәдениет және ақпарат министрлігі, Қызылорда облысы әкімдігі, «Қазақстан барысы» қазақ күресін дамыту Қоғамдық қоры, Қазақ күресі федерациясы.
Турнирдің бас демеушісі - «Самұрық-Қазына» ҰӘҚ. Турнир туралы толығырақ www.кazakhstanbarysy.kz сайтынан білуге болады.