Екі күнге созылатын отырыс ҚР парламенті сенатының төрағасы, Әлемдік және дәстүрлі діндер лидерлерінің Съезі хатшылығының басшысы Қасым-Жомарт Тоқаевтың төрағалығымен өтеді.
Отырыс барысында қатысушылар Әлемдік және дәстүрлі діндер лидерлері III Съезінің тақырыбы және күн тәртібі жөніндегі ұсыныстарды талқылап; Әлемдік және дәстүрлі діндер лидерлері III Съезінің қорытынды құжаттарын анықтау және әзірлеу жөніндегі жұмыс тобын құру жайын қарастырып; съез хатшылығының VII отырысын өткізетін орын мен уақытын анықтайды; Сондай-ақ, онда Әлемдік және дәстүрлі діндер лидерлерінің Съезі хатшылығының VI отырысының хаттамасы қабылданады деп жоспарланған.
Еске сала кетейік, Әлемдік және дәстүрлі діндер жетекшілерінің ІІ съезі Астанада 2006 жылдың қыркүйек айында өткен. Оған 20 елден 40-тан аса делегация қатысты. Форумға қатысушылар арасында ислам, христиандық, иудаизм, буддизм, даосизм, синтоизм және басқа да Әлемдік және дәстүрлі діни конфессиялардың өкілдері қатысты. Сонымен бірге, сьезге БҰҰ, Еуропадағы қауіпсіздік және ынтымақтастық жөніндегі ұйымы , ЮНЕСКО өкілдерінен құрметті қонақтар қатысты.
Өткен форумда халықаралық қауіпсіздікке, шиеленістерді шешудегі діндердің роліне , діни сенім еркіндігіне қатысты мәселелер талқыланды.
Ақпаратты пайдаланған жағдайда «Казахстан Сегодня» ақпараттық агенттігіне сілтеме жасау міндетті