Астанада автобус жүргізушісі 62 жастағы ер адамды қағып өлтірді, - деп хабарлайды Tengrinews.kz тілшісі Астана қалалық ІІД баспасөз қызметінің мәліметінше.
ІІД мәліметінше, жол-көлік оқиғасы 25 қарашада сағат 20.30-да Мұнайтпасов көшесінде болған.
"Жол апатына қатысты ҚР Қылмыстық кодексінің 345-бабы бойынша сотқа дейінгі тергеу жүргізіліп жатыр. Қажетті сараптамалар тағайындалды. Қоғамдық көлік жүргізуші рұқсат етілмеген жерден өтіп бара жатқан жаяу жүргіншіні қағып кетті", - деп хабарлады елордалық ІІД баспасөз қызметіндегілер.
Жол-көлік оқиғасы салдарынан 1955 жылғы ер адам оқиға орнында қаза болды.