Бұл туралы Ішкі істер министрі Қалмұханбет Қасымов мәлімдеді.
«Астанада EXPO-2017 көрмесіне дайындалу және өткізу шеңберінде қосымша 2,5 мың бейнебақылау камерасы орнатылмақ», - деп министр бүгін мәжілісте үкімет сағатында атап көрсетті.
Министрдің мәліметі бойынша, қазіргі кезде республика бойынша адам көп жүретін жерлерде, аулаларда 2,7 мың бейнебақылау қондырғысы орнатылған, оның ішінде Астанада - 694, Алматыда – 156. Олардың көмегімен шамамен 290 мың тәртіп бұзушылық анықталып, 1,7 мыңнан астам қылмыс әшкереленді.
Министр полиция қызметкерлерін бейнетіркегіштермен жабдықтау шарасы қабылданып жатқанын айтты.