Астанада жаяу жүргіншіні қағып кетіп, оқиға орнынан қашып кеткен полиция қызметкері қамауға алынды деп хабарлайды Sputnik Қазақстан.
"Астанада 7 қазан күні ішімдікке тойып алған полиция қызметкері жеке көлігімен жаяу жүргіншіні қағып кеткен. Ауыр жарақаттанған адам ауруханаға жеткізілді", — деп хабарлайды ішкі істер министрлігінің баспасөз қызметі.
Оқиға орнынан қашып кеткен күдікті сол күні қолға түскен. Сот санкциясы бойынша ол 2 айға қамауға алынды.
Қазір сотқа дейінгі тергеу амалдары жүргізілуде.
Сонымен бірге, ішкі қызметтік тексеріс жүргізіледі, оның нәтижесі бойынша ұсталған полицейдің жетекшілері қатаң тәртіптік жазаға тартылады, олар жұмыстан шығарылуы да мүмкін.