Конкурсқа Қазақстан және шетел скрипкашылары, арнайы оқу орындарының тәрбиеленушілері қатысты. Қатысушылар жас шамасына қарай екі топқа бөлінді: жеткіншектер тобы (10 - 15 жас аралығы) және ересектер тобы (16 - 28 жас аралығы).
Қатысушылар И.С.Бах, Н.Паганини, И.Брамс, П.Чайковский, Д.Шостакович сынды ұлы композиторлардың шығармаларын орындады.
Жеткіншектер тобында 1 орынды - мәскеулік скрипкашы Наина Кобзарева, 2 орынды Астана қаласының екі скрипкашысы - Нәзікггү Жаназарова мен Жанара Махмұтова місе тұтты, 3 орын да Астана қаласына бұйырды - Ақбике Алги, Әсемгүл Сыздықова мен Гүлдана Оразаева. «Надежда» арнайы сыйлығы - Ақбике Алгиға табыс етілді.
Ересектер тобында Гран-приді алматылық Ғалия Жарова мен мәскеулік Игорь Хухуа бөліссе, 1 орында Мәскеу қаласының скрипкашылары Александра Адьянова мен Давид Ардуханян жеңіп алды, 2 орынды жапониялық Накамура Мион мен астаналық Иван Коктов місе тұтты, 3 орынды астаналық Шолпан Мәңкеева жеңіп алды. «Надежда» арнайы жүлдесі астаналық Иван Кокотовқа табыс етілді.
IV Халықаралық скрипкашылар конкурсының басты мақсаты - классикалық музыканы дәріптеу, скрипка өнерін насихаттау, қазақстандық жас талантты скрипкашыларды жоғары деңгейге көтеру және Қазақстанның мәдени абыройын арттыру.