"Бүгін Қауіпсіздік кеңесінің отырысында қаралған "Астана - есірткіден азат қала" атты бағдарламада қаладағы медициналық-әлеуметтік сауықтыру орталығының қаржылық базасын ұлғайту қарастырылған. Біз сол жерде наркологиялық диспансер салуды жоспарлап отырмыз",- деді Ө.Шүкеев.
Қала әкімі Астанада есірткі тасымалдау арналары толық жабылатынын жеткізді. "Барлық 6 "Рубеж" бекеттерінде арнаулы блок-посттар жабдықталады. Бұл мақсатқа мемлекеттік бюджеттен 2 млрд. теңгеден астам қаржы бөлінді. Қазір үкіметке бұл қаржыны бюджетке қамтуға тапсырма берілді",- деді әкім.
"Жаңа медициналық орталықтың құрылысы жергілікті бюджеттен қаржыландырылады".
"Астана - есірткіден азат қала" бағдарламасы 2008-жылға дейін есептелген. "Осынау кешенді шаралар келісі жылдың өзінде қаланы есірткіден толығымен тазартып шығуда нақты нәтижеге жетуге мүмкіндік береді деп санаймын",- деді әкім.
ІІМ Бауыржан Мұхамеджановтың ақпаратына сәйкес, қазір елімізде 54 мың адам нашақор ретінде тіркелген. Олардың басым бөлігі 14 пен 30 жас аралығындағы жастар. Соның ішінде 5 мыңы кәмелеттік жасқа жетпегендер. Бұл тек ресми статистикалық мәліметтер. Шын мәнінде бұл сан әлдеқайда жоғары",- деді министр.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті