Непалдың Үндістанға жақын жердегі Барияпур ауылында 5 жылда бір рет үндістер «билік құдайы» Гадхимаиға он мыңдаған мал соятын дәстүрі бар. Жергілікті биліктің осыдан бірнеше жыл бұрын шектеу салғанына қарамастан, көптеген адамдар Үндістаннан Непалға осы фестиваль үшін арнайы келеді.
«Екі күн ішінде 250 мың буйвол, ешкі, қой, шошқа, тауық, көгершін, үйрек, тышқандарды сойғанда жер ана дір етіп, тітіркенеді», деп жазған Бардо хатында.
Француз киносының аңызы болған актриса Непал билігіне Үндістаннан үлгі алуға шақырды. Үндістан бұл дәстүрге әлдеқашан тыйым салған.
Бардо негізін салған қор қызметкерлерінің айтуынша, актриса бұған дейін де 2009 жылы Непал билігіне хат жазған, бірақ ешқандай нәтиже шықпапты.