"Аудандық прокурор "Теңізшевройл" ЖШС-нің табиғат қорғау заңнамасын сақтау жағдайына жүргізген тексеру қорытындысы бойынша компанияға қарсы 1 млрд 57 млн теңгенің шағымын түсірген", деп түсіндірді С.Нұрпейісов.
Тексеру барысында белгілі болғанындай, "Теңізшевройл" ЖШС есепте күкірт кесектерінің нақты көлемін ашып көрсетпеген. Ал 2006-жылы осындай 441 мың тонна күкірт жиналған. "Күкірт кәсіпорынның күкіртті карталарында сақталған, бірақ 1 млрд 57 млн теңге көлеміндегі сақтау төлемі мемлекетке төленбеген",- деді бас прокуратура өкілі.
С.Нұрпейісовтың айтуынша, қазіргі жағдаймен "Теңізшевройлға қатысты осындай бірнеше шағым дайындалып жатыр". "Құны 5 млн теңгені құрайтын тағы бір шағымның қанағаттандырылғанын мен хабарлай аламын. Ол да қоршаған ортаны ластауға байланысты. Шағымды тағы да Жылыой аудандық прокуратурасы мемлекеттің мүддесіне түсірді",- деді ол. "Қазір тексеру жүргізіліп жатыр, ол аяқталғаннан кейін заң бұзу дерегі анықталып жатса, тиісті прокурорлық шара қолданылады",- деді С.Нұрпейісов.
Сонымен бірге прокуратура өкілінің айтуынша, соттың аталмыш шешімдері әлі күшіне енген жоқ. "Қазір мәселе апелляциялық тәртіппен қаралып жатыр, прокурордың келтірген дәлелдері өте орнықты",- деді С.Нұрпейісов.
Бұған қоса, ҚР Бас прокуратурасының ресми өкілінің ақпаратына сәйкес, қазірде Ақтөбе облыстық табиғат қорғау прокуратурасы "АқтөбеМұнайГаз" компаниясының іс-қызметіне осы тектес тексеру жүргізуде. "Мұнай сақталған амбарларға қатысты бірқатар ұсыныстар бар, тексеру аяқталған соң прокуратура заң бұзушыларға қандай шара қолданатыны туралы жария етеді",- деді С.Нұрпейісов.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті