Сот шешімі бойынша, облыс әкімінің бұрынғы орынбасары Болат Дәукенов 15 жылға, бұрынғы орынбасарлардың бірі Асқар Әбдіров 12 жылға, Атырау қаласы әкімінің бұрынғы орынбасары Асқар Керімов 3 жылға бас бостандығынан айырылды.
Аталған іс бойынша қылмыстық ұйымның 22 мүшесі қамалған. Б.Рысқалив, оның інісі Аманжан Рысқали мен экс-әкімнің 9 сыбайласына халықаралық іздеу жарияланған. Бұларға қатысты қылмыстық іс материалдары жеке өндіріске берілді.
Тергеу материалдарына қарағанда, аталған қылмыстық топ мемлекетке 71 млрд теңгеден астам шығын келтірген. Бүгінгі күні оның 23,6 млрд теңгесі мемлекетке қайтарылды.