Сирия Араб Республикасына кетуге дайындалған деген күдік келтірілген Атырау қаласының 3 тұрғынының құқыққа қарсы әрекеттерінің жолын кесті.
Бұл туралы Атырау облысы прокуратурасының баспасөз қызметі хабарлады.
Аталған фактілер бойынша Қазақстан Республикасы Қылмыстық кодексінің 256 бабының 2 бөлігі (терроризмді насихаттау), 24 бабының 1 бөлігі, 172 бабы (шетелдік қарулы қақтығыстарға қатысуға дайындалу) және 259 бабының 1 бөлігінде (лаңкестік не экстремистік әрекетті ұйымдастыру мақсатында адамдарды азғырып көндіру немесе даярлау не қаруландыру) көзделген қылмыс белгілері бойынша сотқа дейінгі тергеп-тексеру басталды.
Сотпен күдіктілерге қатысты күзетпен ұстау түріндегі бұлтартпау шарасы қолданылды.