Ергешқызы бағдарамаға 2 гинекологты қонақ етіп, жыныстық қатынас арқылы жұғатын ауруларды талқылады. Дәрігерлер тіпті, мүшеқаптың өзі де кейбір ауруларды өткізіп жіберетінін айтты. Сол үшін ең қауіпсіз секс өз жұбайымен және ешкіммен жақындаспау деген тұжырым айтылды.
Тележүргізуші мүшеқапты ұялмай сатып алуға кеңес берді. Қарапайым азық-түлікті сатып аларда оның сапасын тексергендей, мүшеқапты да дұрыстап алуды ұсынды. Сондай-ақ оны дүкендерден емес, тек дәріханалардан алуға кеңес беріп, мүшеқаптың бірін ашып тұрып көрсетті.
Желі қолданушыларына ұнамағаны да осы сәт. Олар қыз баласының ашықтан ашық мүшеқап жарнамалағаны – шеттен шыққаны деген пікірде. Десе де, кейбірі түсік тастатып, ауру жұқтырып жүрген жастардың көбеюі жыныстық сауатсыздықтан екенін айтып, бұндай бағдарламаны қолдайтындарын жеткізді.