Осыған орай Ұйғыр ауданының тумасы, кәсіпкер, блогер Алишер Теменов биліктен байланыс орнатылуын талап етіп отыр, деп хабарлайды Caravan.kz медиа-порталы.
"Кепебұлақ ауылы Ұйғыр ауданының ең шеткі таулы аймақтарында орналасқан. Байланыстың жоқтығына елдің шағымданып жүргеніне қаншама уақыт болды. Бірақ, нәтиже жоқ. Карантин кезінде Кепебұлақтың оқушылары тау кезіп жүріп сабақтарын оқыды. Мұғалімдері де тау кезіп жүріп сабақтарын берді. Өйтені, ғаламторға солай ғана қосыла алады. Ауыл тұрғындары туыстарына хабарласу үшін, жедел жәдем шақыру үшін де тау жағалайды. Басқа амал жоқ.
Міне, байланыс жоқтықтан ақыры бүтін бір отбасы өмірлерімен қоштасты. Досбол ағамыз екі баласымен өртке оранға үйінде қалып қойды. Тірідей жанып кетті. Таңғы сағат 5-тің шамасы болған. Көршілер құтқарушыларға байланыс жоқтықтан хабарласа алмаған. Ауыл тұрғындары шама келгенше су шашып, өшірмек болған. Алайда, қолдарынан келмеді. Өрт сөндірушілер ғана өшіре алатын еді. Өрт сөндірушілер әбден өрт сөніп, 1 сағат өткен соң келген. Артынан әкімнің орынбасары жеткен. Бәрі де кеш естіген ғой.
Байланыс жоқтықтың кесірінен адам өмірі қиылса да жабулы қазан жабулы күйінде қалып тұр. Мен Ұйғыр ауданының тұрғыны ретінде байланыстың орнатылуын талап етемін!
Балалар ғаламторға шығамыз деп тауда жүреді. Балалар көбіне суықтан ауырады. Қасқыр сияқты жыртқыштар да жүретіні бар. Бұлай жалғаса берсе баланың жыртқышқа жем болғанын да естірміз. Оны ойлап жатқан біреу бар ма?" - деп ашынады Алишер Теменов.