Баспасөз қызметінің ақпаратына сәйкес, ұшырылымға дайындық кесте бойынша жүргізілуде.
"1-сәуірде 254-ші алаңның монтаж-сынақ корпусында "Союз ТМА-10" ғарыш аппаратын тексеру жұмыстары мен бас бөлігімен түйістіру жұмыстары жүргізілген. 31-наурызда "Союз ТМА-10" ғарыш кораблі ауыспалы отсекпен түйістірілген",- деп хабарлады баспасөз қызметіндегілер.
"Бұдан кейін, ұшыру дайындығының жоспарына сәйкес, "Союз ТМА-10" ғарыш кораблі зымыран тасығышы мен ғарыш кемесін құрастыру үшін 112-ші алаңның монтаж-сынақ корпусына жеткізіледі, ал 5-сәуірде "Союз-ФГ" зымыран тасығышы "Союз ТМА-10" ғарыш кемесімен бірге №1 алаңға ұшырылым алдындағы ақырғы дайындықтар үшін шығарылады",- деп нақтылап өтті Федералдық ғарыш орталығындағылар.
Бұрын хабарлағанымыздай, Халықаралық ғарыш станциясына баратын экспедицияның экипажы мен "Союз ТМА-10" кемесін алып ұшатын "Союз-ФГ" зымыран тасығышы 7 сәуір күні Астана уақыты бойынша 21 сағат 31 минутқа белгіленген.
Ақпаратты пайдаланған жағдайда «Kazakhstan Today» ақпараттық агенттігіне сілтеме жасау міндетті