Tik Tok желісінде 4 миллионға жуық қаралым жинаған видеоға желі қолданушылары түрлі пікір жазуда. Олардың басым көпшілігі құпия бөлме бала ұрлығы үшін қолданылатынын айтқан, деп хабарлайды Caravan.kz медиа порталы.
"Біз бөлмеге орналастық. Мен киімімді іліп жатып, есікті көріп қалдым. Бірден қорқып кеттім. Бұл Таиландта болып жатр. Есікті ашсаң, ар жағында бөлме мен белгісіз жол бар. Туристтердің бөлмесінен қосымша құпия бөлме жасау не үшін керек", - дейді видеоны жариялаған Нұрай Бостанова есімді желі пайдаланушысы.
Бір тәуліктің ішінде бірнеше миллион қаралым жинаған видеоны желі қолданушылары да қызу талқылауда.
"Денем түршігіп кетті ғой. Бір кісілер балаларымызды ұрлап алып кетті, таппай қалдық деп айтып еді", "Шымкенттік әйел таңғы ас ішуге кеткенде бөлмеде қалған үш баласын алып кеткен екен. Ол әйел қазір жындыханада", "Керуеттің астында да құпия есіктер болады", "Египетте де жас қыздарды көп ұрлайды", "Бір жас отбасының да балаларын ұрлап кеткен", - деп жазды олар.
Айта кету керек, бұған дейін де Таиланд еліндегі бала ұрлығы туралы бірнеше видеолар желіде тараған еді. Алайда бұндай ақпараттарды Сыртқы істер министрлігінің баспасөз қызметі жоққа шығарған болатын.