Бұл жолы ол әйелдер қазір еркекті бағындырып алғысы келеді деген сөзі үшін елге жақпай қалды, деп хабарлайды Caravan.kz медиа порталы.
Айнұр Жүгінісова бұл ойын отандық бағдарламалардың бірінде айтты.
«Ақылды адам қарт кезін жас кезім деп ойлайды екен. Қазір бізде бүгінмен өмір сүр деген қағида пайда болды. Кейін сосын қартайған кезде адам ешкімге керек болмай жатыр қазір. Қазақта қарттар үйі болды ма? Болған жоқ. Аллаға шүкір, 30 жыл әйел болыппын. Күйеуімнен бір шапалақ жеп көрген жоқпын. Ол не? Өмір деген бағдаршам, тоқтайтын жерде тоқтау керек. Бізде қазір әйелдер бұрылудың не екенін білмейді. Бір кезде тоқтау керек екенін білмейді. Бірақ дана қазақтың әйелі байынан таяқ жемеген. Қазір мен сенің басыңа мінуім керек деген мақсат бар. Қазір қоғамда өз жұртында тәрбиеленіп жатқан немере жоқ, аз. Өйткені, нағашы керемет. Сенің жағыңды қой дейді келіншектер. Нағыз балаға керек кодты алды да тастады.
Желі қолданушылары продюсердің бұл сөзі үшін, оны жаппай сынға алған. Олар: "Баласы жүр қауға сақал,шолақ шалбармен,өзі пәлсапа соғып отыр", "Бұл кісі де сауысқанша сұңқылдайды екен ғой, одан да жігерсіз, жалқау қазақтың еркектері туралы неге айтпайсыз?", "Балаңызды сақал қойғаны дұрыс емес, баяғы кезде сақалды 60-тан асқанда қоятын" деп жазды олар.