Төтенше жағдай кеше Алматы - Екатеринбург тас жолының 669 шақырымында, Балқаш қаласынан 20 шақырым жерде күндізгі 13 сағат 20 минутта болған.
Балқаш қаласының ауруханасына әртүрлі дәрежедегі дене жарақаттарымен 13 адам жеткізілді. Олардың төртеуі ауруханаға жатқызылған.
Жол полициясы басқармасының мәліметтеріне сүйенсек, Шымкент қаласының тұрғыны болып табылатын 33 жастағы жүргізуші рөлге ие бола алмай, "Мерседес-Бенц" автобусының аударылуына жол берген. Ондағы 49 орында 45 адам болған. олар Шымкент - Астана бағытымен кетіп бара жатқан.
Жүргізушінің айтуынша, сол жақ дөңгелекке зақым келуіне байланысты автобус сол жақ бүйіріне аударылып кеткен.
Аталмыш оқиға бойынша, Балқаш қаласының полициясы ҚР Қылмыстық кодексінің 296-бабының 2-тармағы бойынша қылмыстық іс қозғады.