Айта кетсек, бұл Барахолкада осымен қатарынан тіркеліп отырған үшінші өрт. Алғашқысы қыркүйек айында, екіншісі 17-ші қарашада тіркелген. Тілсіз жау жалпы саны 7 базарды шарпыды. Мамандар қорытындысына сәйкес, бірінші оқиға дәнекерлер жұмысының кесірінен шықса, соңғысының қасақана от қойылған әрекеттен болғаны анықталды. Сондықтан бұл жолы да адами фактор себепші болуы мүмкін екені айтылуда. Ал бүгін Төтенше жағдайлар қызметі «Барахолканы алмастыруы тиіс» деген жаңа базар «Өжеттің» де іске жарамсыз екенін жеткізді. Қауіпсіздік ережесі өрескел бұзылған. Демек, оның да жабылуы ғажап емес.