Алайда, ойындағы есепті «Динамо» ойыншылары ашты. «Барыс» қақпасына шайбаны 15 минутта Джериньш салған болатын. Астаналықтардың қатарындағы Вадим Краснослободцев екінші кезеңде есепті теңестіріп, ойынды қыздыра түсті. Осы турнирде ерекше көзге түсіп жүрген қазақстандық хоккейші Талғат Жайлауов 39 минутта гол салып, осы турнирдегі алғашқы шайбасын өз еншісіне жазды. Т. Жайлауовтың 3-ші кезеңде соққан тағы бір голы «Барыс» командасының басымдығын күшейтті.
Көп ұзамай, кездесудің 49-шы минутында «Динамолықтардың» қақпасына 4-ші гол кірді. Шайба авторы Иржи Новотны.
Ойын аяқталуға жақын қалғанда «Динамо» ойыншыларының шабуылын тыйым салынған әдіспен тоқтатқаны үшін астаналықтардың қақпасына буллит белгіленді. Ригалықтардың қатарындағы шабуылшы Дарзиньш бұл мүмкіндікті мүлт жіберген жоқ. Ойын 4:2 есебімен аяқталды.
Бұл кездесуден ертерек, минскілік «Динамо» командасы мен Мәскеу облысының «Атлант» командаларының жолы түйіскен болатын. ресейлік хоккейшілер «Динамо» командасынан жеңіліп қалды. Есеп - 6:3.
Кубок додасының екінші айналымындағы жеңісінің арқасында «Барыс» командасы туринир кестесінің бірінші сатысына жайғасты (6 ұпай). Минскінің «Динамосы» 4 ұпаймен екінші орында тұр. Рига қаласының «Динамо» хоккей клубында 3 ұпай бар. Ал Мәскеу облысының «Атлант» клубы әзірше бірде бір ұпай жинай алмай, соңғы орында қалып отыр.
ҚР Президентінің кубогі жолындағы жарыстың 3-ші кезеңі ертең, тамыздың 13-і күні өтеді. «Барыс» командасының жолы Минскінің «Динамо» хоккейшілерімен түйіссе, Латвияның «Динамо» ойыншылары «Атлант» командасына қарсы ойнайды.